دوره لتعليم العزف على الجيتار.......

يعطيك العافية و انا بصراحة نفسي اتعلم بس نا عندي وقت عشان اروح معهد

الدروس هتكون افيد من المعهد و كمان اريح

انا نفي بس اشوف الناس .....

اوكيه شكرا بس وين الدرس ..؟ لاني زقت من الجيتار وخليته مركون من 6 شهور

في الاول بس احب اعرف كام واحد معانا يا جماعه عشان نحدد معاد للدرس الاول....

السلام عليكم ,,,
شكرا على الرد السريع أنا عندي اقتراح انته لو تبدأ بالدروس الأول والثاني الناس بتبدأ بالتفاعل معاك وانا من ناحيتي بخلي لنكين لتعليم الجيتار لاني بديت معى هذا الشخص في اليوتيوب وإنشاء الله الناس تتفاعل والكل يستفيد وانا اول واحد ...
هذا الدرس الأول
https://www.youtube.com/watch?v=fiSnzqdSS0A&feature=PlayList&p=CAD5569FE51C5588&index=0&playnext=1
وهذا الدرس الثاني
https://www.youtube.com/watch?v=4jw4-mhu7GE&feature=PlayList&p=CAD5569FE51C5588&index=1&playnext=2&playnext_from=PL
وهذيل الدرسين مهمين للمبتدئين مثلي
وشكرا وياريت التفاعل معى الموضوع ياشباب لاني والله صدق ابغي اتعلم اعزف على الجيتار

انا بقالو سنتين الجيتار ومش بستفيد حاجه من وقت ماجيبتو فـ يلاااا بليز ابدأ الدرس...
بس انت شكلك نمت الكلام ده من شهر 3 و ناو 5 انت مش ناوي تكمل ؟؟؟؟

السلام عليكم يا استاذ ايرور ..؟؟ وينك ابدى بالدرس الأول أو أي شيء ...؟؟ احنا في انتظارك

يا amanda لو كنتي شوفتي تاريخ الموضوع كنتي عرفتي اني لسه بادئ الدوره بتاريخ السبت may 23, 2009 9:00 pm

على العموم انا هبدا الدرس الاول .... وهو عن الكوردات الاساسيه chords

الكوردات هي عباره عن الاتلافات الصوتيه الناتجه عن مجموعه من النغمات المتالفه...وتستخدم في المصاحبه اللحنيه.والغناء

main chords الكوردات الاساسيه
وهي A chord & B chord & C chord & D chord & E chord & F chord & G chord

سنبدا ب A chord (A major )
ترتيبه: 002220

الترتيب هو اماكن وضع الاصابع على ال fret board من الاسفل الى الاعلى


B chord (B major)
ترتيبه: 2244422


C chord (c major )
ترتيبه: 032010

D major
الترتيب:000232

E major
ترتبه: 022100

F major
ترتيبه: 032011

g mahor
ترتيبه: 320003





سنلاحظ وجود علامه X قبل بعض الاوتار في بعض الكوردات مثل A C D
ومعناها عدم لعب الوتر مع باقي الاوتار.... هنكمل باقي كوردات ال minor في الدرس الجاي..ونشوف طرق الرش باليد اليمنى وان شاء الله احاول انزلهلكو فيديو للتسهيل..

minor chords : Am Bm Cm Dm Em Fm Gm
Am
ترتيبه:002210

Bm
ترتيبه: 024432

Cminor
ترتيبه: 035543

Dm
ترتيبه: 000231

Em
ترتيبه:022000

Fm
ترتيبه: 133111

Gm
ترتيبه: 355333




نتكلم شويه بقى عن اليد اليمنى و اليد اليسرى

اليد اليسرى chord hand
اسماء الاصابع:: 1 2 3 4

ف بعض الكوردات بنستخدم الابهام (الاصبع رقم 1) في الضغط على اكثر من وتر bar chords (مثال: G minor & Cminor & F minor & B minor )
و في الكوردات دي هتلاقي قبل الاوتار في علامه قوس.... معناها bar chord>> وساعتها هنستخدم الابهام..



اما اليد اليمنى...

في الدرس الجااي ان شاء الله هنتكلم عن spanish scale و هيكون في فيديو للتسهيل عليكم وهنعرف ازاي نستفيد منه ونلعب عليه... و كمان هنعيد علي الكوردات صوت و صوره للتسهيل...
اليي عندو اي استفسار او سوال بخصوص اي حاجه يقول ولو في حد حابب يشاركنا بمعلموماته يتفضل......
انا ناوي ان شاء الله ان كل واحد هنا يطلع بحاجه يستفيد بيها ...و كمان بعد درس ال spanish scale كل واحد هيلعب حاجه جديده ياريت يوريهلنا..... شكراااااااا ليكم..

الله عليك يا استاذ ايرور والله انته مثل البلسم بالنسبة لي وخاصة موضوع الكوردات لاني اسمع عن شيء اسمه كوردات ومش فاهم شيء كنت بس الحين عرفت والفضل يعود لك لاني قلتلك والله ما كنت فاهم شيء غير مسكت الجيتار و دوزان الجيتار فقط اما الحين عرفت شيء جديد وتحمست اكثر لما جربتها على الجيتار عندي وهات ماعندك وخلينا نستانس اكثر وللشباب اللي حابين يستفيدون في موضوع دوزان الجيتار او بالعامية ضبط اوتار الجيتار عندكم هذا البرنامج العجيب والغني عن التعريف واسمه Guitar Pro وياريت التفاعل ياشباب

شكرا جدا ليك uae وشاكر لتافعلك في الموضوع وياريت تكون الدروس ماشيه كويس معاك...


درس النهرده هنتكلم فيه شويه كلام نظري كده و بعدين ندخل ف موضوع spanish scale ..
اولا حابب اتكلم معاكم عن الجيتار و انواعه و عن استخداماته..

spanish guitar or classic guitar



يتكون من 6 اوتار ..
(من اسفل الى اعلى) الوتر الاول e
الوتر الثاني b
الوتر الثالث g
الوتر الرابع d
الوتر الخامس a
الوتر السادس E
الاوتار (e & b & g ) نايلون
والاوتار ( d& a & E ) bass strings ,....
ويستخدم لتلحين الموسيقى الكلاسيكيه والمقطوعات...ونعزف عليه باصابع اليد اليمنى p & i & m & a & e .. كما ذكرنا ف الدرس الماضي..

النوع الثاني: acoustic guitar



نفس اسامي الاوتار .. و مصنوعه من ال steel
و ال fretboard اطول...ونعزف عليه ف المصاحبه اللحنيه والغناء... و ممكن تعزف عليه باستخدام الاصابع ..او pick


النوع الثالث: electric guitar >>غني عن التعريف




برضو نفس اسامي الاوتار (لا تتغير ) .. و اوتاره steel. و نستخدم ال pick . في العزف عليه..
رائع جدا ف ال solo's.... و عزف ال blues

SPANISH SCALE..............

الدرس الي طال الحديث عنه ...وهو spanish scale

النهرده هنشوف يعني ايه SCALE .... و ايه هو ال spanish scale
ال scale يا جماعه هو عباره عن نوته .. طبعا كلنا عارفين ... دو ري مي فا صو لا سي دو ..
نوته متتابعه...بترتيبات مختلفه ممكن توصلي احاسيس مختلفه من انواع الموسيقى....
مثلا زي الشرقي و الغربي و الفولك و البلوز و الاسباني .. الخ الخ ..

scale النهرده هو ال spanish.... دو ري مي فا صو لا سي دو ... بترتيب ايحاء الحان spanish>>>

الفكره ف ال scale انك متخرجش عنه و تلعب تونات برا ال scale ....حاولو تمرنو ايديكم يا جماعه كويس عليه...

انا نزلت الدرس ده ليكم فيديو للتسهيل عليكم و عشان تقدرو تشوفو ازاي ال scale بيتلعب ...بس اسف جدا على الجوده السيئه ..

ان شاء الله الفيديوهات الجايه تكون كويسه .....والجوده عاليه ..

http://rapidshare.com/files/238224275/spanish_scale.avi.html

ملاحظه: الي مش فاهم حاجه يسالني يا جماعه ... الدرس مهم جدا و بوابه على الدروس الجايه كلها ....

الدرس الجااي ان شاء الله .هيكون عن ال TAB او الmusic sheet .. و هنشوف مع بعض كده ازاي نعرف نقرا tab صح ... وممكن نعمل درس لل spanish scale على ال tab .. عشان نسهل الموضوع شويه .. و كمان هنزلكو فيديو مراجعه كده على بعض الكوردات للمبتدئين...

شكرا عزيزي ايرور بس عندي شيء مش فاهمة عدل او بالاحرى مش متأكد منه يعني مثلا انته قلت في الكوردات مثال E major 022100ترتيب الاوتار من الاسفل إلى الاعلى يعني اذا كانت هذي اوتار الجيتار الستة هل بيكون الترتيب بهاي الطريقة ..؟؟

----------------(0)----------------------- أول وتر
-----------------(2)--------------------
-----------------(2)--------------------
---------(1)----------------------------
----------------(0)-----------------------
----------------(0)----------------------- آخر وتر

صح ولا انا غلطان أو لازم تكون العكس ...؟؟
وبعدين حاولت انزل الفلم ماقدرة لو تخليه على هذا الموقع احسن استاذي ايرور
http://www.zshare.net وشكرا لك

شكرا جدا ليك uae على التفاعل الدائم....
شوف يا سيدي

الي انت رسمتو ده .. اسمه tab وكنا هنشرحه في الدرس الجاي بالتفصيل ....
دلوقتي انت عندك E major chord .. ترتيبه: 022100
لو هنقول من اسفل الاوتار لاعلى .. يبقى هنبدا من يمين الرقم (الترتيب)
ولو هنقول من اعلى لاسفل الاوتار...يبقى هنبدا من يسار الرقم (الترتيب)...

ولو خدنا على سبيل المثال Emajor chord وكتبناه tab

-----------------------------------------0-------------------------------e
-----------------------------------------0-------------------------------b
-----------------------------------------1-------------------------------g
-----------------------------------------2-------------------------------D
-----------------------------------------2-------------------------------A
-----------------------------------------0-------------------------------E


ملاحظه.. ال chords لما تتكتب على صيغه tab ..بتكون كلها على نفس الخط..زي ما انا كتبت ال tab كده ... ف الدرس الجااي زي ماقولنا ... هنوضح ال tab اكتر و نشرح طريقه قرائته و مفاتيحه......
عجبني جدا يا uae موضوع انك كاتب اول وتر .. اخر وتر
ياريت نكتب اسماء الاوتار احسن ..... E a d g b e

بخصوص الفيديو يا uae انا نزلتو على rapidshare......و كمان نزلو على zshare عشانك

http://www.zshare.net/download/60670598d9aca26d/#

شكرا يا استاذي ايرور على التوضيح الجميل اللي إنشاء الله يستفيد منه الجميع لانه في ناس تدخل وتشوف المواضيع وتستفيد بس للأسف ماتتفاعل معانا وياريت تتفاعل علشان نستفيد اكثر والاستفادة الاكبر هي الاسئلة التي دائماً تتعلق بالدروس
وبالنسبة للفيديو أكبر شكر على تفاعلك معي وجاري التحميل

السلام عليكم اخ ايرور ممكن أنزل الفيديو اللي انته نزلت على اليوتيوب وأخلي اللنك اهنيه علشان معى الايام اذا حد دخل على هذا الموضوع يكون الفيديو شغال معاه لانك تعرف مواقع الداون لود فترة وبعدين خلاص ماتقدر تشغل الفيديو ..؟؟
وبالنسبة لدرس الدو ري مي صراحة لو تكتبة تاب خطوة بخطوة احسن لني حاولت وحاولت وحاولت اني اعزف الدو حتى ما قدرت وشكرا

الصراحه اخوي جهد تشكر عليه وانا مع اخوي يو اي إي في موضوع انك تحط الفيديو في موقع يوتيوب فعلا واايد افضل من مواقع الثانيه وتقبل مروري

السلام عليكم..شكرا جدا لكل المتابعين معانا .....واهلا بيك alaraimi وياريت تكون مستفيد ان شاء الله....
الصراحه يا جماعه انا مش بحب انزل حاجه ليا على ال youtube... اسف جدا

بس ان شاء الله اخلي الفيديو علي ال rapidshare preimum...عشان يفضل مده اطول ....

وبخصوص موضوع ال tab لل spanish scale... اكيد طبعا كنت هنزله tab بعد ما نشرح درس ال tab لو في ناس مش عرفين يعني ايه او مش قاهمين ...عشان الكل يقدر يستفيد... خصوصا وان انا كده ف الفيديو بطيء و مقدرش اكون ابطأ من كده .. هحاول

شكرا على الاهتمام والمتابعه... uae & alaraimi
وياريت الناس الي بتدخل و تشوف المواضيع تتفاعل معانا يا شباب .....ولو في اي اسأله او مناقشات اهلا وسهلا.....